Амал мейрамы және ұлттық бірліктің жаңғыруы

 Президент Қасым-Жомарт Тоқаев 2025-ші жылдың 14 наурызда болған IV құрылтайда ұлттық құндылықтарды дәріптеу, тарихи сабақтастықты сақтау және қоғамдық сананы жаңғырту мәселелеріне ерекше тоқталды. Бұл бастамалар халқымыздың рухани тұтастығын нығайтуда маңызды рөл атқарады. Осындай ұлттық бірегейлікті бекітетін мерекелердің бірі – Амал мейрамы. Амал – қазақ халқының көктемнің алғашқы шуағымен бірге келетін жаңару мен жаңғырудың, татулық пен ізгіліктің мерекесі. Көшпелі өркениеттің ажырамас бөлігі болып саналатын бұл күн халқымыз үшін ерекше мәнге ие. Амал мейрамы – халықты ұлыс күніне дайындайтын, нағыз ырыс пен ынтымақтың бастауы. Ежелден келе жатқан бұл дәстүр үлкенге құрмет көрсетіп, кішіге ізет білдірудің, береке мен бірлікті нығайтудың көрінісі болып табылады.

      Президент Тоқаевтың құрылтайда көтерген мәселелері ұлттық тұтастық пен мәдени мұраны жаңғыртуға бағытталған. Амал мейрамы осы мақсаттармен үндесіп, халқымыздың рухани және мәдени құндылықтарын сақтауда ерекше орын алады. Бұл мереке – ұрпақтар сабақтастығын нығайтып, ұлттық бірегейлікті қалыптастыруға ықпал ететін маңызды дәстүрлердің бірі. Тарихи тұрғыдан алғанда, қазақ халқы үшін бірлік пен ынтымақ – ең басты құндылықтардың бірі болған. Қиын-қыстау замандарда елдің амандығы мен болашағы халықтың өзара қолдауы мен ауызбіршілігіне байланысты болды. Кеңестік кезеңде де, тәуелсіздік алған жылдары да бұл құндылықтар жоғалған жоқ, керісінше, уақыт сынынан өтіп, бүгінгі күнге дейін жалғасып келеді. Мемлекет басшысы осы рухани сабақтастықты сақтаудың маңыздылығын баса айтып, ұлттық сананы жаңғырту қажеттігін алға тартты.

     Әл-Фараби атындағы ҚазҰУ (https://farabi.university)  ЖОО дейінгі білім беру факультетінің ұжымы Амал мейрамының тек дәстүрлі мереке емес, ел бірлігін нығайтатын ерекше күн екенін атап өтті. Бұл мейрам қазақ халқының бауырмалдығы мен бір-біріне деген құрметінің жарқын көрінісі. Қазіргі уақытта Президент ұсынған ұлттық бірегейлікті нығайту жолдары мен тарихи сананы жаңғырту идеялары дәл осындай мерекелер арқылы жүзеге асып, қоғамда кеңінен таралуы қажет.

     Амал мейрамы – елдің ынтымағы мен бірлігінің белгісі. Тек өткенімізді еске түсіріп қана қоймай, болашаққа деген сенімімізді нығайтатын күн. Сондықтан бұл мерекені жастарға кеңінен насихаттап, оның тәрбиелік мәнін терең түсіну маңызды.

      Барша қазақстандықтарды Наурыз мейрамымен құттықтай отырып, елімізге амандық, халқымызға береке, бірлігімізге бекемдік тілейміз! Ұлыс оң болсын, ақ мол болсын!

Әл-Фараби атындағы Қазақ ұлттық университеті

ЖОО дейінгі дайындық кафедрасының аға оқытушылары

Г.Жұмаділ, т.ғ.к. С. Сағнайқызы, Ж.Т. Ибраимова, С.А. Нусупбаева

   Отаншыл кадрлар – ел болашағының негізі

Президент Қасым-Жомарт Тоқаев алдағы бес жылда атқаруы тиіс маңызды міндеттерін айқындап берді. Мемлекет басшысы еліміздің экономикасы дамып келе жатқанын атап өтіп, оның қарқынын одан әрі арттыруға бағытталған ірі жобалар мен жаңашыл бастамалар туралы сөз қозғады. Ол цифрландыру, жасанды интеллект, ядролық энергетика, агроөнеркәсіп кешені және инфрақұрылым жобаларына айрықша мән берді. Президенттің айтуынша, аталған міндеттерді сәтті жүзеге асыру үшін ең алдымен отаншыл, өз елінің мүддесін жоғары қоятын, білікті мамандар қажет. Елімізде ең жоғары лауазымдарға лайықты, жауапкершілігі мол кадрларды даярлау – маңызды қадам. Отан үшін қызмет етуге, елдің дамуына үлес қосуға дайын, жоғары моральдық ұстанымдары бар мамандарды тауып, оларды басшылық қызметтерге тағайындау – мемлекеттің басым бағыты.

          «Басты мақсат – азаматтардың әл-ауқатын арттыру. Ол үшін нақты нәтиже қажет. Нәтиже болса ғана даму болады», – деп атап өтті еді Мемлекет басшысы. Бұл сөздер ел болашағына, мемлекеттің дамуына ерекше мән беретін мамандарды даярлау міндетін одан әрі айқындап берді.

           Әл-Фараби атындағы Қазақ ұлттық университеті (https://farabi.university)  – еліміздің жетекші білім ордасы ретінде, осы мақсатты жүзеге асыруда белсенді рөл атқарады. Университетіміздің білім беру бағдарламалары мен ғылыми зерттеулері Қазақстанның әлеуметтік және экономикалық дамуына бағытталған. Біз өз түлектерімізді тек кәсіби біліммен ғана емес, сондай-ақ ұлттық құндылықтарды құрметтейтін, елдің болашағына жауапкершілікпен қарайтын азаматтар етіп тәрбиелейміз.

           Мемлекет басшысының отаншыл, ұлтжанды мамандарды қалыптастыру туралы айтқан пікірі – Әл-Фараби атындағы ҚазҰУ ұжымының ұстанымымен толық сәйкес келеді. Білім мен ғылым саласында жетекші рөл атқаратын университетіміз елдің стратегиялық бағыттарына сәйкес мамандар даярлауды жалғастырады. Біз Президентіміздің бастамаларын толық қолдаймыз және оны жүзеге асыру жолында өз үлесімізді қосуға дайынбыз.

         Әл-Фараби атындағы ҚазҰУ ұжымы өз алдына болашақ ұрпақтың сапалы білім алуын қамтамасыз етіп, елдің іргетасын берік қалау жолында аянбай еңбек етеді. Отаншыл, білімді, білікті мамандар даярлау – біздің басты міндетіміз және мақтанышымыз!

Әл-Фараби атындағы Қазақ ұлттық университеті

ЖОО дейінгі дайындық кафедрасының аға оқытушылары

С.А. Нусупбаева, Ж.Т. Ибраимова, Г.Жұмаділ, т.ғ.к. С. Сағнайқызы

Ұлттық мұра – ұрпаққа аманат

Қасым-Жомарт Тоқаев 2025 жылдың 14 наурызында өткен Ұлттық құрылтайдың IV отырысында ұлттық бірегейлікті сақтау, мәдени мұраны дәріптеу және тарихи сананы қалыптастыру мәселелеріне ерекше тоқталды. Мемлекет басшысы Абай институтын халықаралық мәдени-ағарту орталығына айналдыру, ұлттық цифрлық мұрағат құру, отандық кино мен анимацияны дамыту жөніндегі бастамаларды көтеріп, бұл жұмыстар елдің рухани жаңғыруына серпін беретінін атап өтті.

Біздің ұлттық болмысымыз – ғасырлар бойы қалыптасқан мәдени мұра мен рухани құндылықтардың жиынтығы. Ұлттық бірегейлікті сақтау – тек тарихты зерттеу ғана емес, оны заманауи технологиялармен ұштастырып, келер ұрпаққа жеткізу. Президент атап өткендей, мәдениет – елдің айнасы, ал рухани мұра – халқымыздың өткенінен сыр шертетін асыл қазына. Осы бағытта ғылыми-зерттеу институттарының, университеттердің, мұражайлар мен мәдени орталықтардың рөлі зор.

Әл-Фараби атындағы Қазақ ұлттық университеті (https://farabi.university)  ұлттық мәдениет пен тарихи мұраны зерттеуді стратегиялық міндеттердің бірі ретінде қарастырады. Бүгінде университет қабырғасында Абайтану, әл-Фарабитану, Түркі өркениеті, ұлттық тәрбие, Қазақ тарихы бағыттарында кешенді зерттеулер жүргізіліп, ұлттық құндылықтарды жас ұрпақтың санасына сіңіруде басымдық танытуда. Сонымен қатар, Президент ұсынған ұлттық цифрлық мұрағат тұжырымдамасы ҚазҰУ-дың стратегиялық даму жоспарымен үндеседі. Университетімізде тарихи құжаттарды, сирек кездесетін қолжазбалар мен мәдени мұраны цифрландыруға арналған ғылыми жобалар жүзеге асырылып жатыр. Бұл бастама еліміздің тарихи-мәдени мұрасын заманауи технологиялармен үйлестіріп, әлемдік ғылыми кеңістікке интеграциялауға мүмкіндік береді.

Қазіргі жаһандану дәуірінде ұлттық мәдениетті тек дәстүрлі жолмен емес, заманауи технологиялар арқылы дамыту маңызды. Президент Тоқаев атап өткендей, жасанды интеллект жүйелеріне ұлттық цифрлық мұрағатты енгізу – тарихи зерттеулердің жаңа деңгейге шығуына ықпал ететін қадам. ҚазҰУ ғалымдары Big Data, жасанды интеллект, цифрлық мұрағаттау салаларында зерттеулер жүргізіп, қазақ мәдениетінің электрондық қорын дамытуда. Сонымен қатар, университетімізде болашақ медиа мамандар, кино және анимация саласының жас таланттары даярланып, ұлттық болмысты насихаттайтын сапалы контент әзірлеуге ерекше көңіл бөлінуде.

Ұлттық тәрбие – ұлттық идеологияның өзегі. Жастардың бойына ұлттық рух пен патриотизмді сіңіру – мемлекет алдындағы басты міндеттердің бірі. Бұл тұрғыда оқу орындарының, ғылыми орталықтардың, мәдени мекемелердің жұмысы айрықша маңызға ие. ҚазҰУ ғалымдары мен оқытушылары қазақ халқының мәдени мұрасын зерттеп қана қоймай, оны білім беру жүйесіне енгізу бағытында белсенді жұмыс істеуде.

Қазақ ұлттық университеті – Қазақстандағы ғылыми-зерттеу және инновациялық қызметтің көшбасшысы. Біздің ғалымдарымыз стратегиялық салалардағы ғылыми зерттеулерге жетекшілік етіп, ұлттық экономиканы, мәдениетті және білім саласын дамытуға үлес қосуда. Әл-Фараби атындағы Қазақ ұлттық университетінің ұжымы Президент Тоқаевтың ұлттық мәдениет пен тарихи мұраны сақтау жөніндегі бастамаларын толық қолдайды! Біз – еліміздің рухани жаңғыруына, ұлттық бірегейлігін сақтауға және мәдени әлеуетін арттыруға өз үлесімізді қосуға әрдайым дайынбыз!

Әл-Фараби атындағы Қазақ ұлттық университеті

ЖОО дейінгі дайындық кафедрасының аға оқытушылары

т.ғ.к. Самал Сағнайқызы, А.М.Какенова, Ж.К. Дауытова, С.А. Нусупбаева,

                                 Ауызашар – мейірім мен берекенің белгісі

2025 жылғы 14 наурызда әл-Фараби атындағы Қазақ ұлттық университетінің https://farabi.university ЖОО дейінгі дайындық кафедрасының ұйымдастыруымен тыңдаушылар жатаханасында қасиетті Ораза айына орай жатақханада ауызашар дастарханы жайылды. Бұл игі шара адамдарды бірлікке, бауырмалдыққа шақырып, рухани құндылықтарды дәріптейтін дәстүрлі мерекелердің бірі болып табылады.

     Ауызашар – тек ораза ұстаған жандардың ауыз ашу рәсімі ғана емес, бұл – мейірімділіктің, өзара қолдаудың, ортақ құндылықтарды насихаттаудың көрінісі. Дастархан басына жиналған қонақтар қасиетті айдың мәні мен маңызы туралы әңгіме өрбітіп, ізгі тілектерін білдірді. Ақсақалдар ақ батасын беріп, елімізге тыныштық, халқымызға береке тіледі. Студенттер мен ұстаздар бұл кездесудің маңыздылығын атап өтіп, Рамазан айының адамгершілік құндылықтарды нығайтудағы рөлін ерекше атап өтті. Ораза тек рухани тазалық пен сабырлыққа үйретіп қана қоймай, сонымен қатар қоғамдағы әлеуметтік жауапкершілікті арттырып, адамдарды қайырымдылық пен жанашырлыққа шақырады. Бұл айда әрбір жасалған жақсылық еселеніп жазылады, сондықтан мұқтаж жандарға көмек көрсету, айналаға қамқорлық таныту – әрбір азаматтың міндеті. Осындай игі бастамалар жастардың бойында ұлттық дәстүрлерге деген құрметті арттырып, олардың адамгершілік қасиеттерін шыңдайды.

     Әл-Фараби атындағы ҚазҰУ рухани құндылықтарды дәріптеуге ерекше мән беретін білім ордасы ретінде, студенттер арасында ізгілік пен мейірімділік қағидаларын кеңінен насихаттауға басымдық береді. Университет қабырғасында өтетін дәстүрлі ауызашар іс-шаралары ұлттық мәдениеттің, рухани тұтастықтың ажырамас бөлігіне айналып, жастарды береке мен ынтымаққа үндейді. Ауызашар дастарханы – тек дәмді асқа толы жиын ғана емес, ол – рухани жан дүниені байытатын, адамдарды бір-біріне жақындастыратын, ізгілік пен құрметке негізделген ерекше дәстүр. Бұл мереке халықтың бірлігін нығайтып, жүректерге жылулық сыйлайды.

Баршаңызға Ораза айының мол берекесі, мейірімі мен шапағаты бұйырсын! Әрбір жасалған ізгі амал еселеніп қайтсын!

Әл-Фараби атындағы Қазақ ұлттық университеті

ЖОО дейінгі дайындық кафедрасының аға оқытушылары

А.М.Какенова, Ж.К. Дауытова, С.А. Нусупбаева, т.ғ.к. Самал Сағнайқызы

Көрісу күні – жылулық пен татулықтың мерекесі

       Әл-Фараби атындағы Қазақ ұлттық университетінің (https://farabi.university) ЖОО дейінгі дайындық кафедрасының ұйымдастыруымен тыңдаушылар жатақханасында Көрісу күні ерекше көңіл-күймен және үлкен ықыласпен аталып өтті. Бұл шараға университет оқытушылары, әкімшілік өкілдері, қонақтар мен тыңдаушылар қатысып, бір-біріне жылы лебіздерін білдіріп, мерекенің маңыздылығын атап өтті. Жастар мен аға буын өкілдері көрісу дәстүрін жандандырып, өзара ықылас пен сыйластық көрсетті. Көрісу – қазақ халқының сан ғасырлық тарихынан тамыр тартқан ұлттық дәстүрі, оның басты мәні – адамдар арасындағы жылы қарым-қатынасты бекемдеу, араздықты ұмытып, бір-біріне ізгі ниет білдіру. 14 наурызда ел тұрғындары жасы мен әлеуметтік мәртебесіне қарамастан, бір-бірімен көрісіп, амандасып, «Бір жасыңмен!», «Жаңа жасыңмен!», «Ғұмырлы бол!» деп ақ тілектерін жолдайды. Бұл күн – халықтың бірлігін, ынтымағын және ізгілігін айшықтайтын мереке.

Жатақханада өткен мерекелік шара барысында тыңдаушылар бір-бірімен ықыласпен көрісіп, Наурыз мейрамының жақындағанын ерекше сезінді. Іс-шара барысында ұлттық құндылықтардың маңыздылығы талқыланып, тағылымды әңгімелер айтылды. Дәстүр бойынша кең дастархан жайылып, жиналған қауым қазақтың ұлттық тағамдарынан дәм татты. Сондай-ақ, қазақ халқының ғасырлар бойы жалғасқан салт-дәстүрлері туралы қызықты деректер айтылып, ұлттық мұраны болашақ ұрпаққа дәріптеу қажеттігі ерекше атап өтілді. Мереке аясында ұстаздар мен студенттер ата-бабадан жалғасып келе жатқан көрісу дәстүрінің маңыздылығын талқылап, оның қоғамдағы татулық пен достықты нығайтудағы рөлін атап өтті. Көрісу күні – тек мереке ғана емес, ұлттық рухтың, халықтың ауызбіршілігі мен рухани құндылықтарының көрінісі. Бұл күн адамдардың бір-біріне деген құрметін арттырып, жақындық пен жанашырлықты нығайтатын маңызды шара болып табылады.

Көрісу күні әрбір адам жақындарына хабарласып, ізгі тілектерін білдіруге тамаша мүмкіндік. Бұл күн тек жүздесуге ғана емес, жүректерді жақындатуға, қарым-қатынасты нығайтуға арналған. Сондықтан баршаңызды осы игі дәстүрді сақтап, үлкендерге құрмет көрсетіп, жақындарыңызға шынайы ықыласпен ақ тілек арнауға шақырамыз!

Әл-Фараби атындағы Қазақ ұлттық университеті

ЖОО дейінгі дайындық кафедрасының аға оқытушылары

Ж.К. Дауытова, т.ғ.к. С.Сағнайқызы А.М.Какенова, С.А. Нусупбаева,