Дұрыс таңдалған мамандық жарқын болашақтың кепілі

Адам өмірінің ең маңызды шешімдерінің бірі мамандық таңдау. Нағыз маман болу білімді, қызығушылық пен ынта – жігерді және ең бастысы сол салаға деген махаббатты талап ететіні сөзсіз. Мамандық таңдауы келгенде өз басым көп ойланбастан туризм деген шешімге келген едім. Бұл ата-анамның, достарым, таныстарымның немесе басқаларының нұсқаулығы емес, өз бетімше ішкі қалауымды,болмысымды, арман-мақсаттарымды саралай келе шығарған шешім еді. Арман қуып атамекенім Қазақстанға оқуға келдім. Аламаты қаласында орналасқан Әл-Фараби атындағы қазақ ұлттық университетіне туризм мамандығы бойынша грантқа түстім. Қуанышымда шек болмады себебі , Әл-Фараби атындағы ҚазҰУ тек Қазақстанда ғана емес QS WUR Халықаралық рейтингісіне сәйкес әлемдегі ең үздік 200 университеттің қатарына кіреді және Орта Азиядағы алдыңғы қатарлы үздік универсиет. Университет оқытушыларының басым бөлігі профессор, доктор,  ғылым кандидаты мен философия докторлары, академиктері болуы білікті де білімді мамандардың көп болуына септігін тигізіп жатыр. Қазіргі таңда 4 курс студентімін. Иә,бітірер сәтте жақындады. Бірақ алған білімім менің жақсы маман болуымда ғана емес бүкіл өмірімде әр қашан пайдасы тиетін үлкен тәжірибесін де берді деп толықтай айта аламын. Себебі білім алуда бізге тек теориялық тұрғыда ғана емес тәжірибе жүзінде де іске асыруға мүмкіншілік жасалды. Бірінші курста оқу жаттығу жорығына қатысып, екінші және үшінші курста халықаралық тәжірибе негізінде Түркия елінде тәжірибеден өтуге мүмкіндігіне ие болдық. Осылай оқуымның төрт жылының қалай  зымырап өткенін байқамай қалдым. Шексіз мүмкіндіктердің есігін ашып, жан-жақты жетілуіме себеп болған оқу орадама және сүйікті мамандығыма алғысым шексіз. Айта кететін жайт, туризм мамандығын игерген әр бір маман туризм саласындағы барлық қызмет көрсету орындарында жұмыс жасауға (турфирма, әуежай, қонақүй, мейрамхана бизнесі,мемлекеттік қызмет, табиғатты қорғау мекемелері және т.б) тіпті университет қабырғасында оқытушы болып жұмыс жасау мүмкіндігіне ие. Қазіргі таңда жылдам қарқындылықпен дамып, ел экономикасында маңызды орынға ие болып жатқан туризм саласына болашақта білікті мамандар көптеп

қажет болатыны сөзсіз. Алдағы уақытта саяхаттап жүріп білім алғысы келетін әр бір түлекке туризм мамандығы таптырмас мүмкіндік, Ал Әл-Фарби атындағы қазақ ұлттық университеті сіздің мақсатқа жетуіңіздің, шыңдалып нағыз маман болуыңыздың бірден бір жолы.

Әл-Фарби атындағы қазақ ұлттық университенінің География және табиғатты пайдалану факультетінің 4 курс студенті Шопан Асел

Ғылми жетекшісі Жилкибаева М. И