Кедейлікті жою мәселесі

Әл-Фараби атындағы ҚазҰУ, ЖОО-ға дейінгі дайындық кафедрасының 9 топпентыңдаушыларымен қазіргі таңдағы өзекті болып отырған мәселе кедейлікті жою мәселесі туралы сұхбат өткіздік. Тыңдаушылар әлемдегі кедейлік ахуалын талқылап, өз ой-пікірлерін ортаға салды.

Кедейлікті жою-бізден тарихи, әлеуметтік және экономикалық аспектілерді ескеретін, кешенді тәсілді талап ететін жаһандық мақсат. Әл-Фараби атындағы ҚазҰУ-дың жоғары оқу орнына дейінгі дайындық кафедрасында пән оқытушылары ретінде біз әртүрлі қоғамдардың ғасырлар бойы кедейлікпен қалай күрескенін белсенді түрде зерттеп келеміз. Біз ежелгі өркениеттерден бастап кедейлікпен күресудің заманауи стратегияларына дейінгі тарихи тәжірибелерді зерттейміз. Қазақстан тарихы, Дүние жүзі тарихы пәнінің аясында экономикалық теңсіздік, білім мен әлеуметтік ұтымды механизмдерге қол жетімділіктің болмауы сияқты кедейліктің себептерін талдаймыз.

 Біз тыңдаушыларға адамзат баласының тарихындағы соғыстар мен экономикалық дағдарыстар сияқты тарихи оқиғаларды талдап, олардың әлеуметтік-экономикалық жағдайды нашарлататынын көрсетуге тырысамыз. Біз сондай-ақ кедейлік деңгейін төмендетуге және миллиондаған адамдардың өмірін жақсартуға көмектескен әртүрлі елдердегі әлеуметтік қамсыздандыру бағдарламалары сияқты сәтті тәжірибелерді қарастырамыз.

     Тыңдаушылардың кедейлік мәселесін шешу тек экономикалық дамуда ғана емес, сонымен қатар әлеуметтік әділеттілік пен сапалы білімге қол жетімділікте екенін түсінуі маңызды. Кедейлікті жоюдың әртүрлі тәсілдерін талқылай отырып,  біз олардың әділетті және тұрақты қоғам құруға қосатын жеке үлесінің маңыздылығын атап өттік.

Әл-Фараби атындағы Қазақ ұлттық университеті

ЖОО дейінгі дайындық кафедрасының аға оқытушылары

Т.М.Буланова, В.А.Габитова, т.ғ.к. С. Сағнайқызы, М.Әуелханқызы

Жастарға берері көп кездесу

Әл-Фараби атындағы ҚазҰУ-дың ЖОО дейінгі дайындық кафедрасы Алматы технологиялық университетінің қауымдасқан профессоры, тарих ғылымдарының кандидаты Ф.М. Шәмшединованың қатысуымен «Жошы ұлысының саяси-әлеуметтік құрылымы» тақырыбында қонақ дәрісін ұйымдастырды. Дәрістің мақсаты: тыңдаушыларға Жошы ұлысының саяси-әлеуметтік құрылымын жан-жақты таныстыру, оның қазақ мемлекеттілігінің қалыптасуына ықпалын талқылау болды.

Дәріс барысында Жошы ұлысының басқару жүйесі, әскери құрылымы, әкімшілік басқару принциптері және оның Алтын Ордаға әсері жан-жақты талқыланды.
Лектор ұлыстың ішкі құрылымын, аймақтық билеу жүйесін және әлеуметтік жіктелуін тарихи деректер негізінде баяндап, оның Қазақ хандығының қалыптасуына тигізген ықпалын атап өтті. Кездесуде Жоғары оқу орнына дейінгі дайындық кафедрасының факультет әкімшілігі, тыңдаушылар, оқытушылар құрамы қатысып, қызу талқыланды.
Шара БҰҰ-ның Тұрақты даму мақсаттарының (ЦУР) «Сапалы білім» (№4) және «Тарихи-мәдени мұраны сақтау» (№11) бағыттарымен үндеседі. Өйткені тарихи сананы қалыптастыру, ұлттың өткенін зерделеу – рухани жаңғыру мен мәдени тұтастықтың маңызды құрамдас бөлігі.Дәріс соңында қатысушылар тақырып бойынша сұрақтар қойып, пікір алмасты. Ғалымдар, оқытушылар мен тыңдаушылар тарихты зерттеудің маңыздылығын атап өтіп, осындай кездесулердің қажеттілігі туралы ой бөлісті.

 Әл-Фараби атындағы Қазақ ұлттық университеті

ЖОО дейінгі дайындық кафедрасының аға оқытушылары

В.А.Габитова,Т.М.Буланова, М.Әуелханқызы, т.ғ.к. С. Сағнайқызы

Салауатты өмір  – денсаулық кепілі

  Әл-Фараби атындағы ҚазҰУ-дың ЖОО-ға дейінгі дайындық кафедрасының аға оқытушысы С.Сағнайқызы ұйымдастыруымен«Денсаулық және әл-ауқат» тақырыбында іс-шара өткізілді. Іс-шара барысында әлеуметтану және әлеуметтік жұмыс кафедрасының аға оқытушысы, әлеуметтану ғылымдарының кандидаты Дархан Кожанұлы Мамытканов дәріс оқыды. Денсаулық пен әл-ауқат — бұл әр адамның негізгі құқықтары ғана емес, сондай-ақ қоғамның тұрақты дамуы мен гүлденуі үшін маңызды шарттар. ҚазҰУ дайындық кафедрасының білім беру бағдарламалары аясында медицина мен денсаулық сақтау тарихының қоғамдағы әлеуметтік, экономикалық және мәдени өзгерістермен тығыз байланысы қарастырылады, сондай-ақ бұл өзгерістер медициналық ғылымның дамуына және денсаулықты қабылдауға қалай әсер еткені талқыланады. Курста әртүрлі өркениеттердің эпидемиялар мен аурулармен күресу тәжірибелері, сондай-ақ емдеу және науқастарға күтім жасау тәсілдеріндегі өзгерістер мәдени және ғылыми жаңалықтарға байланысты қарастырылады.Дәріс барысында тыңдаушылар белсенді түрде сұрақтар қойып, өз пікірлерімен бөлісті.

Тарих пәнінің оқытушылары маңызды тарихи оқиғалардың, мысалы, соғыстардың, эпидемиялардың және экономикалық дағдарыстардың медициналық жүйелерге және денсаулыққа деген қоғамдық көзқарасқа әсерін зерттеуге ерекше назар аударады. Бұл тыңдаушыларға әлеуметтік жағдайлар мен теңсіздік деңгейінің медициналық қызметтерге қолжетімділікке және жалпы өмір сүру деңгейіне қалай әсер ететінін түсінуге көмектеседі.

Сонымен қатар, оқытушылар денсаулыққа деген жеке жауапкершіліктің маңыздылығын атап өтіп, тыңдаушыларды қоғам өміріне белсене қатысуға және салауатты өмір салтын қолдауға шақырады. Оқыту барысында халық денсаулығын жақсартуға бағытталған табысты тәжірибелер, аурулардың алдын алу бағдарламалары, қоғамдық ағарту және диагностика мен емдеуді жақсартудағы технологиялардың рөлі қарастырылады.

Дайындық кафедрасының оқытушылары тыңдаушыларды өз білімдері мен дағдыларын тек жеке пайда үшін ғана емес, сонымен бірге қоғамның тұрақты дамуына ықпал ететін, денсаулығы мықты және әл-ауқаты жоғары әлемді қалыптастыру үшін пайдалануға шабыттандыруды мақсат етеді.

Әл-Фараби атындағы Қазақ ұлттық университеті

ЖОО дейінгі дайындық кафедрасының аға оқытушылары

М.Әуелханқызы, Н.Мәжиқызы, Т.М.Буланова, В.А.Габитова

Шетелдік тыңдаушыларды жаңа ортаға бейімдеудегі клуб жұмыстарының маңызы

 Әл-Фараби атындағы Қазақ ұлттық университетінің ЖОО-ға дейінгі білім беру факультетінің ЖОО-ға дейінгі дайындық кафедрасында  2009 жылдың 10 ақпанынан бастап  С.Әшімбаев атындағы «Парасат» жас әдебиетшілер клубы жұмыс істеп келеді.  Клубтың негізгі мақсаттарының бірі – тыңдаушыларды  әдеби көркем туындыларды оқытуға дағдыландыру. көркем әдеби шығармаларды оқытуға баули отырып, олардың рухани дүниетанымының дамуына жағдай жасау. Басты мақсат –  тыңдаушыларды, олардың шет елден келгендіктері ескеріле отырып, өз ұлттының  төл әдебиеті өкілдерімен, олардың бай мұрасымен таныстыру.  Осы мақсатқа сәйкес тыңдаушыларды көркем әдебиетке қызықтыру үшін алғышарттар жасалды. Клуб жұмысы жылдық жоспар құрумен басталады. Алғашқы отырыста жыл бойы талданатын шығармалар тізімі клуб мүшелеріне ұсынылып, жоспар талқыланып, бекітіледі.Сонымен қатар, кафедрамызда басқа ұлт өкілдері де білім алады. Мысалы, Ауғанстан Ислам Республикасынан келген тыңдаушылар. Бұл мемлекеттен келген тыңдаушылар қазақ тілін үйренуді осы жерден бастайды. Тілді жаңа үйренген тыңдаушылар үшін ең әуелі шағын мәтіндермен таныстырудан бастау алады.  Бұл жұмыстарды жүргізудеге негізгі мақсат – шағын мәтін мазмұнымен таныса отырып олар өздерінің мәтінге талдау жасай білуге үйрету,  оқылым дағдысын  қалыптастыру,  жағдайға байланысты оқырманды өз пікіріне сендіре  білу дағдыларын қалыптастыру.  Нәтижесінде  танысқан жаңа сөздері  арқылы, оларды қолданысқа енгізіп, қазақ тілінде өз ойын еркін жеткізетін жағдайға жеткізу.

Қорыта келгенде,  көркем шығармалармен танысу арқылы шет елден келген тыңдаушылар бағдарламада белгіленген білімді игеріп қана қоймай, жан – жақты ізденіп, ой – өрісін дамытады. Тіл үйренуді жетілдіру мақсатында да клуб жұмысының маңызы ерекше.

 Әл-Фараби атындағы Қазақ ұлттық университеті

ЖОО дейінгі дайындық кафедрасының аға оқытушылары

Н.Мәжиқызы, М.Әуелханқызы, В.А.Габитова, Т.М.Буланова

Әл-Фараби атындағы Қазақ ұлттық университетінің жоғары оқу орнына  дейінгі дайындық кафедрасы: білімге жол ашар көпір

Әл-Фараби атындағы Қазақ ұлттық университетінің (https://farabi.university)  ЖОО дейінгі дайындық кафедрасы – білімге жол ашар маңызды құрылымдардың бірі. Бұл кафедра әсіресе, шетелдегі этникалық қазақ жастары үшін жоғары оқу орындарына түсуге мүмкіндік беретін негізгі орталық болып табылады. Шет елдердегі қандастарымыз Қазақстанда білім алуды қаласа да, кейбірі мектепті басқа тілде аяқтағандықтан, елдегі оқу бағдарламаларына бейімделуде қиындықтарға тап болады. Осы орайда, ЖОО дейінгі дайындық кафедрасы оларға қажетті базалық білімді беріп, жаңа ортаға бейімделуіне көмектеседі. Кафедрада оқыту бірнеше бағыт бойынша жүргізіледі. Негізінен, Қазақстан тарихы, қазақ тілі, математика, физика, химия, биология және ағылшын тілі секілді пәндер оқытылады. Бұл пәндер талапкерлердің жоғары оқу орындарына түсуіне қажетті негізгі білімді қалыптастырады. Сабақтарды тәжірибелі оқытушылар жүргізеді, олар заманауи әдістер мен технологияларды қолдана отырып, әрбір студенттің жеке қабілетін дамытуға басымдық береді.

      Шетелдік қазақ жастары үшін бұл кафедра тек білім ордасы ғана емес, сонымен бірге жаңа ортаға бейімделуге көмектесетін мәдени орталық та болып табылады. Мұнда қандастарымыз ана тілін жетік меңгеріп, ұлттық мәдениетпен жақынырақ танысуға мүмкіндік алады. Сонымен қатар, оларға Қазақстан тарихын тереңірек түсінуге жағдай жасалып, түрлі мәдени іс-шаралар мен экскурсиялар ұйымдастырылады. Қазақстан Үкіметі шетелдегі қазақ жастарына үлкен қолдау көрсетіп, мемлекеттік гранттар бөледі. Әл-Фараби атындағы ҚазҰУ-дың ЖОО дейінгі дайындық кафедрасы осы гранттық бағдарламалар бойынша білім беретін басты орталықтардың бірі ретінде ерекше маңызға ие. Мұнда дайындықтан өткен студенттер кейін еліміздің және шет елдердің үздік университеттерінде білім алып, әртүрлі салада табысты қызмет атқаруда.

      Білім – болашақтың кілті, ал сапалы білім алу – әрбір жастың басты мақсаты. Осы тұрғыдан алғанда, Әл-Фараби атындағы ҚазҰУ-дың ЖОО дейінгі дайындық кафедрасы талапкерлерге сапалы білім беріп қана қоймай, олардың Қазақстандағы жоғары оқу орындарына сәтті түсуіне, өз болашағын нық жоспарлауына және үлкен мақсаттарға жетуіне жол ашады.

 Әл-Фараби атындағы Қазақ ұлттық университеті

ЖОО дейінгі дайындық кафедрасының аға оқытушылары т.ғ.к. Самал Сағнайқызы, С.А. Нусупбаева, Ж.Т. Ибраимова, Г.Жұмаділ

ҚазҰУ-дың әлемдік деңгейде танылуы: білім саласында көшбасшылыққа жол

 Аль-Фараби атындағы Қазақ ұлттық университеті (Farabi University) халықаралық деңгейде танылу жолында өз позицияларын нығайтып, Қазақстанда ғана емес, Азиядағы маңызды білім беру және ғылыми орталықтардың біріне айналып келеді. ҚазҰУ QS Asia University Rankings 2025 беделді рейтингінде 29-шы орынды иеленіп, өзінің академиялық беделі мен ғылыми әлеуетінің жоғары деңгейде екендігін дәлелдеді. Бұл жетістік университеттің ел ішіндегі маңыздылығын ғана емес, Азияның жетекші оқу орындарының бірі ретінде мойындалғанын көрсетеді.

      ҚазҰУ-дың табысының басты элементі – студенттерді оқыту жолындағы кешенді тәсіл. Университеттің осы бағыттағы маңызды құрылымдық бөлімшелерінің бірі – ЖОО дейінгі дайындық кафедрасы. Бұл кафедра мектеп білімін университет деңгейіне көшу үшін қажетті білім мен дағдыларды меңгерту арқылы абитуриенттерге қажетті дайындықты қамтамасыз етеді. Ол тек студенттерге университеттік ортаға бейімделуге ғана көмектесіп қоймай, оларды жоғары оқу орындарында табысты оқу үшін қажетті білімдер мен дағдылармен қамтамасыз етеді.   ЖОО дейінгі дайындық кафедрасында қолданылатын заманауи білім беру әдістері мен оқыту тәсілдері студенттерге жоғары деңгейде академиялық дайындық алуға мүмкіндік береді. Бұл жерде инновациялық технологиялар мен қазіргі заманғы әдістемелер белсенді түрде енгізіліп, университетте табысты оқу үшін берік негіз қалыптастыруға көмектеседі. Кафедра оқытушылары студенттердің тек академиялық даярлығын қамтамасыз етіп қана қоймай, олардың жеке қасиеттерінің дамуына да ықпал жасап, кәсіби және көшбасшылық дағдыларын жетілдіруге көмектеседі.

      ҚазҰУ-дың халықаралық білім беру бастамаларындағы белсенді қызметі де оның маңызды аспектілерінің бірі болып табылады. Университет әлемдік ғылыми және білім беру мекемелерімен тұрақты түрде ынтымақтасып, білім беру саласындағы әлемдік көшбасшылардың қатарындағы орнын нығайтуда. ҚазҰУ-да өткен QS Higher Education: Asia Pacific пре-саммиті сияқты ірі шаралар университеттің халықаралық білім беру процесіндегі рөлін және Азия-Тынық мұхит аймағындағы білім беру стандарттарын дамытуға әсерін көрсетеді. Бұл шара әлемдік жоғары білім саласындағы негізгі үрдістерді талқылау мен тәжірибе алмасу үшін маңызды алаңға айналды. ЖОО дейінгі дайындық кафедрасының академиялық мобильділік бағдарламасын дамытуға қосқан үлесіне ерекше назар аудару қажет. Бұл бағдарлама ҚазҰУ студенттеріне халықаралық білім беру стандарттарымен танысуға және кәсіби байланыстар орнатуға мүмкіндік беріп, олардың карьералық дамуы бағытындағы қызметке де оң әсерін тигізеді. Мұндай бастамалар университеттің халықаралық деңгейде бәсекеге қабілеттілігін арттыруға ғана емес, Қазақстанның Орталық Азиядағы білім және ғылым орталығы ретінде маңызды орнын нығайтуға да ықпал етеді.

      ЖОО дейінгі дайындық кафедрасының жұмысы ҚазҰУ-дың жоғары білікті мамандар даярлау стратегиясының ажырамас бөлігі болып табылады. ҚазҰУ түлектері – университет оқытушыларының көпжылдық еңбегінің нәтижесі, олар әртүрлі салаларда инновациялық идеялар мен шешімдер ұсынуда маңызды рөл атқаратын болады. Бұл тұрғыда университет әлемдік білім беру картасында жетекші орындарды иеленуді жалғастыруда, студенттерге жаңа мүмкіндіктер ашып, Қазақстанның халықаралық ғылыми-білім беру қауымдастығындағы беделін нығайтуда.

       Сонымен, ҚазҰУ (https://farabi.university) мен жоғары оқу орнына дейінгідайындық кафедрасы студенттерді академиялық және кәсіби мансапта табысты болуға дайын жаңа ұрпақтарды даярлау жолындағы жұмыстарын жалғастыруда. Университет студенттерге тамаша білім беру мүмкіндіктерін ұсынып қана қоймай, оларды әлемдік стандарттарға бейімдеу арқылы халықаралық деңгейде бәсекеге қабілетті етеді. Нәтижесінде, ҚазҰУ өзінің басты мақсатына сенімді түрде жетуде – әлемдік деңгейдегі жетекші білім беру орталықтарының бірі болуға.

Әл-Фараби атындағы Қазақ ұлттық университеті

ЖОО дейінгі дайындық кафедрасының аға оқытушылары

Ж.Т. Ибраимова, Г.Жұмаділ,  т.ғ.к. Самал Сағнайқызы, С.А. Нусупбаева