Әл-Фараби атындағы Қазақ Ұлттық университетінің Жоғары оқу орнына дейінгі білім беру факультетінің жоғары оқу орнына дейінгі дайындық кафедрасында «Мамандық–өмір таңдауы» атты шара ұйымдастырылды. Шараның басты мақсаты –тыңдаушыларға болашақ мамандық және оқу бағдарын таңдауда көмектесу, мамандық әлемі және оның ерекшеліктері туралы дүниетанымын кеңейту; тыңдаушылардың өмір туралы, мамандықтар туралы көзқарасын дамыту, алдағы уақытта мамандық таңдауда дұрыс жолда болуына себепкер болу, таңдаған мамандығының өз бейімділігі мен қабілетіне сәйкес келуін нақтылау, өз-өзін танудың жалпы әзірлігін қалыптастыру; мамандық таңдау мәселесін белсенді арттыру.
Бұл іс-шараның аясында тыңдаушылармен Әл-Фараби атындағы Қазақ Ұлттық университетінің факультеттерімен таныстыру жүргізілді. Мамандықты дұрыс таңдау – бұл ұзақ кәсіби өмірде сенімділік, жан тыныштығы және материалдық әл-ауқат екендігі насихатталды. Тек өзіне ғана емес, бүкіл қоғамға қажетті мамандықты таңдап алу керектігі түсіндірілді.Тыңдаушылар өздерінің әлсіз және күшті қасиеттерін, мінез ерекшеліктерін толық таныды,қажетті мамандықтарын таңдап,мақсаттарын қойды.
Жастарымызға болашақ мамандығын таңдауға жауапкершілікпен қарауды сұраймыз. Мамандық таңдау-әрбір адамның өміріндегі маңызды сәт, оны жіберіп алмау керек және таңдауға байыптылықпен қарау керек.Әл-Фараби атындағы Қазақ Ұлттық университетітабысты біліммен еңбек нарығында біліктілігі бағаланатын білікті маман болуға мүмкіндік береді.
Әл-Фараби атындағы Қазақ Ұлттық университетінің
Жоғары оқу орнына дейінгі білім беру факультетінің
Жоғары оқу орнына дейінгі дайындық кафедрасының оқытушылары
Исмайлова Малика, Қасымова Кәмшат, Турсынбек Айгерім
Өзге ақпараттар
ТАРИХИ ТҰЛҒА
«Жер – Ана»
