Амал мерекесі аясында Әл-Фараби атындағы Қазақ ұлттық университетініңhttps://farabi.university ЖОО дейінгі дайындық кафедрасының ұйымдастыруымен тыңдаушылар жатақханасында екі жаңа асхананың ашылуы салтанатты түрде аталып өтті. Бұл маңызды шараға кафедра әкімшілігі, арнайы шақырылған қонақтар, оқытушылар мен тыңдаушылар қатысып, жаңа асханалардың қызметімен танысты. Университет басшылығы студенттердің әлеуметтік жағдайын жақсарту, тұрмыс сапасын арттыру және дұрыс тамақтану мәдениетін қалыптастыру мақсатында бұл бастаманың маңыздылығын ерекше атап өтті.
Жатақханадағы асханалар – білім алушылардың жайлы өмір сүруіне, сапалы әрі теңгерімді тамақтануына мүмкіндік беретін маңызды инфрақұрылымдық нысандардың бірі. Жаңа асханалар студенттердің талаптарына сай жаңғыртылып, заманауи жабдықтармен толық қамтамасыз етіліп, студенттердің дұрыс тамақтануын қамтамасыз етуге басымдық берілді. Сонымен қатар, асханалар санитарлық-гигиеналық талаптарға сай келетін жоғары деңгейдегі қызмет көрсету стандартымен жабдықталған. Салтанатты шара барысында қонақтар жаңа асханалардың жағдайымен танысып, олардың заманауи жабдықтармен қамтамасыз етілгенін, студенттерге қолайлы орта ұсынатынын ерекше атап өтті. Дастархан басында студенттер мен оқытушылар бір-бірімен жылы әңгіме өрбітіп, осындай әлеуметтік жобалардың маңыздылығына тоқталды.
Асханалардың ашылуы – университеттің студенттердің әлеуметтік-тұрмыстық жағдайын жақсартуға бағытталған ауқымды жұмысының бір бөлігі. Университет әкімшілігі бұл бастаманың білім алушылардың күнделікті өмірін жеңілдетіп, олардың денсаулығы мен дұрыс тамақтануына оң әсерін тигізетінін атап өтті. Сонымен қатар, бұл асханалар студенттерге жай ғана тамақтану орны ғана емес, сонымен қатар олардың бір-бірімен кездесіп, жаңа достар тауып, рухани әрі мәдени қарым-қатынастарын дамытуға мүмкіндік беретін орта болмақ. Заманауи жабдықталған әрі жайлы орындарда білім алушылардың еркін демалып, өздерін үйдегідей сезінулеріне барлық жағдай жасалған.
Осындай бастамалар студенттердің жайлылығын арттырып қана қоймай, олардың оқу үрдісіне барынша көңіл бөлуіне ықпал етеді. Білім алушылар үшін барлық қажетті жағдай жасалып, олардың тек білімге ғана емес, сондай-ақ денсаулықтарына да ерекше мән беруі маңызды. Университеттің бұл игі қадамы студенттерді әлеуметтік қолдаудың жаңа деңгейіне шығарып, олардың күнделікті өмірін әлдеқайда жеңілдетеді.
Жаңа асханалар студенттерге құтты болсын! Барша білім алушыларға сәттілік тілейміз!
Әл-Фараби атындағы Қазақ ұлттық университеті
ЖОО дейінгі дайындық кафедрасының аға оқытушылары
С.А. Нусупбаева, Ж.К. Дауытова, т.ғ.к. С.Сағнайқызы, А.М.Какенова
Білім мен тәрбиенің үйлесімі: ҚазҰУ ЖОО дейінгі дайындық кафедрасындағы игілікті істер
Әл-Фараби атындағы Қазақ ұлттық университетінің (https://farabi.university) ЖОО дейінгі дайындық кафедрасы – шетелдік және отандық тыңдаушыларды жоғары білім алуға сапалы даярлайтын маңызды құрылымдық бөлім. Кафедра тыңдаушыларға академиялық білім берумен қатар, оларды ұлттық құндылықтар мен мәдениетке баулуды, рухани-адамгершілік тұрғыдан тәрбиелеуді басты мақсат етіп қояды.
Кафедраның білім беру үрдісі тыңдаушылардың болашақ жоғары оқу орындарында табысты білім алуына бағытталған. Оқу бағдарламасына жаратылыстану-математикалық және қоғамдық-гуманитарлық бағыттағы пәндер енгізілген. Тыңдаушылар математика, физика, химия, биология, қазақ тілі мен әдебиеті, Қазақстан тарихы, ағылшын және басқа да шет тілдері пәндері бойынша тереңдетілген білім алады. Сонымен қатар, ҰБТ мен жоғары оқу орындарына түсуге арналған арнайы дайындық курстары ұйымдастырылады. Білім беру үдерісінде заманауи ақпараттық технологиялар кеңінен қолданылады. Интерактивті тақталар, сандық оқулықтар, онлайн платформалар және қашықтан оқыту жүйелері тыңдаушылардың білім сапасын арттыруға септігін тигізеді. Сондай-ақ, олардың ғылыми-зерттеу дағдыларын дамыту мақсатында түрлі конференциялар, пәндік олимпиадалар мен ғылыми жобалар ұйымдастырылады.
Кафедрадағы тәрбие жұмысы оқу үдерісімен тығыз байланысты. Тыңдаушылардың жан-жақты дамуына бағытталған мәдени-рухани, патриоттық іс-шаралар жүйелі түрде өткізіледі. Оларға қазақ халқының дәстүрлері мен ұлттық құндылықтары насихатталып, Наурыз мейрамы, Көрісу күні, Тәуелсіздік күні секілді мерекелер кеңінен атап өтіледі. Сонымен қатар, тыңдаушылар арасында қайырымдылық акциялары, волонтерлік жобалар, спорттық және шығармашылық сайыстар өткізіліп, олардың белсенді азамат ретінде қалыптасуына жағдай жасалады.
Университет әкімшілігі тыңдаушыларға психологиялық және әлеуметтік қолдау көрсетуге ерекше көңіл бөледі. Кәсіби бағдар беру, жеке даму және мотивацияны арттыру бағытында түрлі кеңес беру қызметтері ұйымдастырылып, студенттердің оқу барысындағы қиындықтарды еңсеруіне көмектеседі. Сонымен бірге, олардың көшбасшылық қабілеттерін дамытуға арналған тыңдаушылардың ұйымдардары мен клубтары жұмыс істейді. Бұл ұйымдар тыңдаушылардың шығармашылық әлеуетін ашуға, өз идеяларын жүзеге асыруға және қоғаммен тығыз байланыс орнатуға мүмкіндік береді.
ЖОО дейінгі дайындық кафедрасы тыңдаушыларға жоғары сапалы білім берумен қатар, олардың рухани және мәдени дамуына ерекше көңіл бөледі. Білім мен тәрбие ұштасқан кафедра жұмысы болашақ студенттердің тұлғалық қалыптасуына, олардың жоғары оқу орнына дайындалуына және белсенді азамат ретінде қоғамда өз орнын табуына ықпал етеді.
Әл-Фараби атындағы Қазақ ұлттық университеті
ЖОО дейінгі дайындық кафедрасының аға оқытушылары
Г.Е.Сапаева, М.Е.Эльмаджы, Ә.А.Турсынбект.ғ.к. С. Сағнайқызы,
ҚазҰУ тыңдаушыларының қызықты өмірі: білім мен белсенділік үйлесімі
Әл-Фараби атындағы Қазақ ұлттық университетінің (https://farabi.university) ЖОО дейінгі дайындық кафедрасы – тек сапалы білім беретін орталық қана емес, сонымен қатар тыңдаушылардың жан-жақты дамуына мүмкіндік жасайтын ерекше орта. Мұнда әр тыңдаушы тек білім алып қана қоймай, өз қызығушылықтарын жүзеге асырып, белсенді өмір сүруге мүмкіндік алады. ҚазҰУ-дың ЖОО дейінгі дайындық кафедрасында білім беру үдерісі тыңдаушылардың жан-жақты дамуына бағытталған. Оқытушылар оларға сапалы білім беріп қана қоймай, ғылыми-зерттеу жұмыстарына, түрлі пәндік олимпиадалар мен жобаларға қатысуына ықпал етеді. Тыңдаушылар математика, физика, химия, биология, тіл білімі, тарих секілді пәндер бойынша терең білім алып, жоғары оқу орындарына түсуге мақсатты түрде дайындалады. Сонымен қатар, олар үшін арнайы дайындық курстары мен тестілеу жүйелері ұйымдастырылады.
ҚазҰУ тыңдаушылары тек білім алумен шектелмей, университеттің мәдени өміріне де белсене араласады. Олардың қатысуымен түрлі шығармашылық байқаулар, поэзия кештері, өнер фестивальдері және интеллектуалды ойындар өткізіледі. Университет қабырғасында Наурыз мейрамы, Көрісу күні, Қазақстан Республикасының Тәуелсіздік күні сынды ұлттық мерекелер кең көлемде аталып өтеді. Мұндай шаралар тыңдаушылардың ұлттық рухын көтеріп, олардың бір-бірімен достық қарым-қатынас орнатуына септігін тигізеді. Спортқа әуес тыңдаушылар үшін университеттің спорттық инфрақұрылымы зор мүмкіндіктер ұсынады. Түрлі спорт секциялары, турнирлер мен жарыстар тыңдаушылардың физикалық дайындығын нығайтуға, салауатты өмір салтын ұстануына көмектеседі. Қысқы және жазғы спорттық ойындар, марафондар, футбол, волейбол және баскетбол турнирлері үлкен қызығушылыққа ие.
Жатақхана – тыңдаушылардың екінші үйі. Мұнда олар тек бірге тұрып қана қоймай, бір-біріне қолдау көрсетіп, жаңа достар тауып, қызықты уақыт өткізеді. Достық қарым-қатынас орнату, жаңа мәдениеттермен танысу – тыңдаушылардың өмірінің ажырамас бөлігі.
ҚазҰУ-дың ЖОО дейінгі дайындық кафедрасының оқу бағдарламасы – тек білім алу ғана емес, сонымен қатар жаңа мүмкіндіктерге жол ашатын, тұлға ретінде дамуға әсер ететін қызықты әрі жарқын кезең. Бұл орта тыңдаушыларға өз армандарын жүзеге асыруға, болашақта табысты тұлға болып қалыптасуға көмектеседі.
Әл-Фараби атындағы Қазақ ұлттық университеті
ЖОО дейінгі дайындық кафедрасының аға оқытушылары
М.Е.Эльмаджы, Ә.А.Турсынбек, Г.Е.Сапаева, т.ғ.к. С. Сағнайқызы
Лайықты жұмыс және экономикалық өсу
Әл-Фараби атындағы ҚазҰУ-дың дайындық кафедрасында С. Сагнайқызы ұйымдастырған іс-шара барысында әлеуметтану және әлеуметтік жұмыс кафедрасының профессоры, әлеуметтану ғылымдарының докторы, профессор Садырова Маиса «Лайықты қызмет және тұрақты экономикалық өсу» тақырыбында дәріс оқыды. Дәріс барысында тыңдаушылар белсенді түрде талқылауға қатысып, сұрақтар қойды.
ЖОО дейінгі дайындық кафедрасы лайықты қызмет және тұрақты экономикалық өсу сияқты маңызды ұғымдардың талдауына ерекше назар аударады, өйткені олар әділ және гүлденген қоғам құрудың негізі болып табылады. Білім беру бағдарламалары аясында осы ұғымдардың тарихи контексті зерттеледі, сондай-ақ экономикалық жүйелер мен еңбек қозғалыстарының адамдардың өмір сүру жағдайларына қалай әсер еткені қарастырылады.
Тарих пәнінің оқытушылары сабақтарында еңбеккерлердің құқықтары үшін күрес және еңбек жағдайларын жақсарту, сондай-ақ экономикалық дағдарыстардың, мысалы, Үлкен депрессияның салдары сияқты тарихтағы мысалдар қарастырылады.
Жаһандану талаптарына сай автоматтандыру және цифрландыру мәселелеріне ерекше көңіл бөлінеді, және бұл өзгерістер білім беру мен еңбек практикасына жаңа тәсілдерді талап ететіндігі айтылып, қарастырылады. Кафедра лайықты қызмет барлық адамдар үшін, олардың әлеуметтік мәртебесіне немесе шыққан тегіне қарамастан, қолжетімді болуы тиіс екенін және тең мүмкіндіктер жасау маңыздылығына аса назар бөледі.
Кафедраның мақсаты — тыңдаушыларды болашақта әділ және тұрақты еңбек нарығын қалыптастыруға белсенді қатысуға ынталандыру, сондай-ақ шағын және орта бизнесті дамыту, жұмыс орындарын құру және еңбек жағдайларын жақсартуға бағытталған жобаларды әзірлеуге бағыттау.
Әл-Фараби атындағы Қазақ ұлттық университеті
ЖОО дейінгі дайындық кафедрасының аға оқытушылары
Ә.А.Турсынбек, Г.Е.Сапаева, М.Е.Эльмаджы, С.А.Нусупбаева
Мәдени мұрамызды дәріптеу біздің парызымыз
Әл-Фараби атындағы ҚазҰУ,ЖОО дейінгі дайындық кафедрасының тарихшыларының ұйымдастыруымен «Сақ-үйсін мәдениеті және Алтын адам» тақырыбындағы қонақ дәрісі өтті. Дәрістің мақсаты – ежелгі сақтар мен үйсіндердің мәдени мұрасын таныстыру, археологиялық жетістіктерді насихаттау және тарихи сабақтастықты көрсету. Дәріс барысында Алтын адам табылған Есік қорғаны сияқты маңызды археологиялық жаңалықтар мен олардың қазақ мәдениетімен байланысы талқыланады. Сонымен қатар, сақ-үйсін өркениетінің ғылыми зерттелуіне назар аударылып, ұлттық тарихи мұраны дәріптеу көзделеді. Бұл дәріс тыңдаушылардың тарихи санасын қалыптастыруға және олардың мәдениетке деген қызығушылығын арттыруға бағытталған.
Іс-шара барысында «Есік» мемлекеттік тарихи-мәдени музей-қорығының Тарихи-мәдени ескерткіштерді қорғау және музей ісі бөлімінің жетекшісі Құрбанәлі Жазира тыңдаушыларға сақ-үйсін мәдениетінің ерекшеліктері мен археологиялық зерттеулердің маңыздылығы туралы баяндады. Ол Алтын адамның табылу тарихына, оның сақ мәдениетіндегі орнына, зергерлік бұйымдарының символикасына және ғылыми зерттеулердің нәтижелеріне тоқталды. Сонымен қатар, тарихи-мәдени мұраны сақтау, насихаттау және кейінгі ұрпаққа жеткізудің маңыздылығы айтылды. Дәріс барысында қатысушылар археологиялық артефактілер мен олардың тарихи құндылығы туралы жан-жақтымағлұмат алды.
Іс-шара Біріккен Ұлттар Ұйымының Тұрақты даму мақсаттарының бірнеше бағытына сәйкес өтті. Біріншіден, №4 – Сапалы білім мақсаты аясында қатысушыларға тарихи-мәдени мұраны таныстыру арқылы білім беру мен тарихи сананы қалыптастыруға басымдық берілді. Екіншіден, №11 – Тұрақты қалалар мен қауымдастықтар бағыты бойынша археологиялық және мәдени ескерткіштерді сақтау мен қорғаудың маңыздылығы талқыланып, олардың тарихи құндылығы насихатталды. Сонымен қатар, №16 – Бейбітшілік, әділеттілік және тиімді институттар мақсатына сәйкес, шара тарихи сананы нығайту, халықтың мәдени мұраға деген құрметін арттыру және тарихи деректер негізінде ұлттық бірегейлікті сақтау идеясын дәріптеуге бағытталды.
Дәріс соңында қатысушылар тақырып бойынша сұрақтар қойып, пікір алмасты. Ғалымдар, оқытушылар мен тыңдаушылар тарихты зерттеудің маңыздылығын атап өтіп, осындай кездесулердің қажеттілігі туралы ой бөлісті.
Әл-Фараби атындағы Қазақ ұлттық университеті
ЖОО дейінгі дайындық кафедрасының аға оқытушылары
Г.Е.Сапаева, М.Е.Эльмаджы, Ә.А.Турсынбек, , т.ғ.к. С. Сағнайқызы
Өзге ақпараттар
Амал мейрамы және ұлттық бірліктің жаңғыруы
