«Қызықты  химия»  үйірмесі туралы

Қазақ елінің жетекші жоғары оқу орнының бірі –  әл – Фараби  атындағы  Қазақ  Ұлттық университеті.  Осы білім ошағында  түрлі  мамандықтар даярлайтын  факультеттер жұмыс жасауда. Әрбір факультеттен жыл сайын  ұшқан  түлектер  еліміздің кірпіші  болып қалануда.

        Университет  қабырғасы жыл сайын  кеңейіп,  оқытушы – профессорлар  саны,  қызметкерлер  саны,  студенттер  саны  өсуде. Қалада  университетіміз орналасқан,  студенттерге,  оқытушыларға   барлық жағдай жасалған арнайы ҚазҰУ – нің қалашығы  көркейе түсуде.  Ғылым даму үстінде,  университет кітапханалары мен мұражайлары,  сонымен қатар,  зертханалары  да замануи  сұраныспен жабдықталған кешен болып табылады.  Студенттеріміз ғылым,  білім,    өнер,  спорт   салаларында  да  үлкен   жетістіктерге   қол   жеткізуде.

      Университетте  шетел азаматтарына арналған  дайындық  факультеті   қызу жұмыс  үстінде.   Осы жылы жылдағыдан  саны  үш есе  артық  тыңдаушылар  қабылданды. Олар Ауғанстан,  Қытай,  Өзбекстан, Түркіменстан,  Иран,  Сауд Арабия,  Түркия,  Монғолия, Кения,  Бангладеш, т.б.   елдерден  келген жастар.  Кафедрамыздың  оқытуышары   тыңдаушыларға білім  берумен  қатар,  азамат  болып  қалыптасуына да зор  үлес  қосып келеді.   Биология мен химия  пәндерінің  оқытушылары   тыңдаушыларға қосымша білім беру мақсатында «Қызықты  химия»  үйірмесін құрған болатын. Үйірменің  негізгі мақсаты тыңдаушыларды   химия ғылымының замануи жаңалығы  туралы дер кезінде   таныстырып,  осы ғылымның  тарихымен,  еліміздің   ғалымдарының  химия ғылымына қосқан үлесімен таныстыру. Оқу жылы барысында  университетіміздің  химия факультетінде орналасқан бейорганикалық  және  органикалық  химия зертханаларына саяхат жасай отырып,  сабақта өтілген тақырыптарды қосымша біліммен толықтыру.

        Тыңдаушылар алдында  тұрған   үлкен  сынақ – ҰБТ  тапсырып,  еліміздің жоғары оқу орындарына грантты иелену  болғандықтан,  жыл бойы  химия пәндерінен тест тапсырмалар  сұрақтарын шешіп және талқылап отырамыз  және де  түрлі тақырыпта  пікір алмасу мақсатында «дөңгелек  үстел»  өткізіліп отырады.  «Қызықты химия»  үйірмесі осы жылы  да өз жұмысын жалғастырады  және   үйірмеге    мүше  болуға  даяр тыңдаушылар  көптеп қабылдануда.

Әл – Фараби атындағы Қазақ  Ұлттық  Университеті

Жоғары оқу  орнына дейінгі  білім  беру   факультеті

Жоғары оқу  орнына  дейінгі дайындық  кафедрасы

Үсенбекова .А.Е., Амангелді Н, Әуелханқызы.М.