2022 жылдың 22 қазанында Әл-Фараби кітапханасының алдындағы алаңда Қазақ ұлттық университетің басқармасы төрағасы-Ректор Ж.Қ.Түймебаевтың қатысуымен Республика күніне орай «Алтын күз» атты мерекелік шарасына Жоғарғы оқу орнына дейінгі дайындық кафедрасының оқытушы-проффессорлар құрамы мен шетелдік тыңдаушылары өнер көрсетіп, жәрмеңкені тамашалап қайтты.Жәрмеңкеде университетіміздің өзге де факультеттері өз көрмелерін көрсетті.Сонымен қатар жәрмеңкеде біздің кафедрамыздан ”Жас шебер ” үйірмесі қатысып, көрме ұйымдастырды. Көрмеде кітап, ұлттық әшекей бұйымдары қойылды.Алматының жеміс жидектер мен ұлттық тағамдар көрмесіде жәрмеңке көркін аша түсті.Концерттік бағдарламада қазақтың әуелеген әні мен мың бұралған биі, күмбірлеген күйі, сонымен бірге өзге халықтың ән-би өнері шарықтап тұрды.Концерттік бағдарламада факультетіміздің тыңдаушысы Моңғолиядан келген қандас бауырымыз Қайрол Ақгүл моңғол биін нақышына келтіріп орындап, көрермен ризалығына бөленді.Бұл жәрмеңкеде біздің тыңдаушыларымыз жаңа ортаға бейімделіп, біздің елдің өткені мен қазіргі қалпын көрсету арқылы тарихымен, мәдениетімен танысты деп ойлаймын. Бұл бұрынға ата-бабаларымыздың ғасырлар бойы армандаған азаттық таңы.Айрықша маңызға ие бұл күнді елін жерін сағынып келген қандас бауырларымызда сезінді деген ойдамыз. Әл-Фараби атындағы Қазақ ұлттық университетінің https://www.kaznu.kz ЖОО-ға дейінгі білім беру факультетіне келіп білім алып жатқан қандастарымызға осы атаулы мерекені ұлықтау ұстаз парызы.Осы орайда оларды универіміздің көрікті жерлерін көрсетіп,кітапханамен таныстырдық.Республика күніне арналған жәрмеңке өте жоғары деңгейде ұйымдастырылып, қызықты өтті.Осындай іс-шаралар әліде жалғасын табады деген ойдамыз.
әл Фараби атындағы ҚазҰУ-нің, ЖОО-ға дейінгі білім беру
факультетінің оқытушылары:
Буланова Т.М., Дауытова Ж.Қ.,Қасымова К
Өзге ақпараттар
ЕЛДІГІМІЗДІ АСҚАҚТАТҚАН КҮН
