әл-Фараби атындағы Қазақ Ұлттық университеті бір ғасырға жуық тарихы бар ғылым ордасы.Университетімізде 1985 жылы ашылған шетел азаматтарына арналған дайындық факульеті негізінде 2011 ж Жоғары оқу орнына дейінгі білім беру факультетінің негізі қаланды. Факультет құрамында Жоғары оқу орнына дейінгі дайындық кафедрасы жұмыс жасайды. Кафедрамызда шет ел азаматтары болып саналатын қандастарымызға тарихи отанында жоғары оқу орындарында маман иесі болуы үшін тегін білім алуына мүмкіндіктер жасалған. Жыл сайын Монғолия, Өзбекстан, Иран, Ауғанстан, Ресей, Түркия, Ауғанстан, Сауд Арабиясынан келген көптеген қандастарымыз білім гранттарын жеңіп алып, еліміздің университеттерінде білім алады, сонымен қатар, көптеген салаларда қызмет етуде. Бұл біз үшін үлкен қуаныш.
Факультетіміздің дайындық кафедрасында талапкердің таңдауы бойынша барлық мамандық бағытында білім беріп, ҰБТ талабына сәйкес тестпен жұмыс жасап, білімді нығайта түседі. Талапкердің білім алуына барлық жағдайлар жасалған және де қажет жағдайда жатақханамен қамтамасыз етеді.
Әл-Фараби атындағы Қазақ ұлттық университеті – Quacquarelli Symonds (QS,Ұлыбритания), Thomson Reuters (США) агенттіктерінің зерттеулеріне сәйкес әлемдік топ-университеттер рейтингінде енген Орта Азиядағы тұңғыш университет.
Монғолиядағы жас түлек – қандастарымызды әл-Фараби атындағы Қазақ Ұлттық университетіне, ЖОО-ға дейінгі білім беру факультетіне білім алуға шақырамыз және ЖОО-ға дейінгі дайындық кафедрасы есігін айқара ашып күтеді.
Әл – Фараби атындағы Қазақ Ұлттық Университетінің
оқытушылары Үсенбекова А.Е, Тойғанбекова М.Ш,Сандықбаева Ө.Д.
Өзге ақпараттар
