АТАЖҰРТТАҒЫ ДҮБІРЛІ ДОДА

2024 жылдың қаңтар айының 15-20 жұлдызы аралығында әл-Фараби атындағы Қазақ ұлттық университетінің https://farabi.university 90 жылдығына орай, сондай-ақ тұрақты даму мақсаттары (ТМД-3) аясында жыл сайын дәстүрлі түрде өтетін ҚазҰУ  студенттері арасында 50-ші «ДЕНСАУЛЫҚ» спартакиадасы өтті. Жарыста ҚазҰУ-дан 12 команда соның  ішінде 4 команда ЖОҒАРЫ ОҚУ ОРНЫНА ДЕЙІНГІ ДАЙЫНДЫҚ КАФЕДРАСЫНЫҢ тыңдаушыларынан құралған команда қатысып, 12 команда да ойын алаңында тартысты ойын көрсете білді. Бас жүлдеге таласқан үздік ойыншылар қатарынан Сауд Арабиясынан келген медицина факультетінің шетелдік студеттері мен  ЖОҒАРЫ ОҚУ ОРНЫНА ДЕЙІНГІ ДАЙЫНДЫҚ КАФЕДРАСЫНЫҢ ұлты қазақ шетелдік тыңдаушылары (Моңғолия, ҚХР) бақ сынысты. Нәтижесінде қарсылас командаға ұпай жағынан ұтылып  ЖОҒАРЫ ОҚУ ОРНЫНА ДЕЙІНГІ ДАЙЫНДЫҚ КАФЕДРАСЫНЫҢ тыңдаушыларынан құралған «DOS» командасы II орынға тұрақталса, ЖОО-ға дейінгі дайындық кафедраның атынан шыққан «Burkit» командасы Үндістаннан келген студенттерге есе жіберіп, 4-ші орынды қанағат тұтты. Жеңімпаз атанып отырған «DOS» командасының капитаны Сәкен Есіл  бұл жеңістерін қара шаңырақ ҚазҰУ-дың  90-жылдық мерейтойына арнағанын айта келіп Атамекендегі алғашқы жарысының жеңісін өзінің алғысын жылы лебізімен сабақтады. «Құрметті білім ордасының басшысы және оқытушылар мен студенттері сіздерді FARABI UNIVERSITY-нің 90-жылдық мерейтойымен құтықтаймын және де университет басшысы Жансейіт Қансейітұлы сізге қазақ диаспора тыңдаушыларының атынан алғысымызды білдіреміз. Біз сияқты жырақта жүрген ҚАЗАҚ жастарын үлкен өмірге бастау алған қадамымызды нақтылап, қанатымызды қатайтып, биікте самғауда үлкен үлес қосып отырсыз.

Бүгін де жеткен жетістіктеріміз – сіз басқарып отырған білім ордасының ұлағатты ұстаздарының еңбегінің жемісі. Мың алғыс саған  ҚазҰУ, мың тағзым саған ұстаздар!

ЖОО-ға дейінгі дайындық кафедрасының

аға оқытушысы Г.М. Мужигова,

ЖОО-ға дейінгі дайындық кафедрасының

тыңдаушылары Мәдениет Перизат (ҚХР),

Қайырқызы Айбиби (Қазақстан)